Sa dhe si ndikon kafeja tek gratë shtatëzana

Pjesa më e madhe e ekspertëve konfirmojnë faktin se kafja duhet pirë në mënyrë të moderuar gjatë shtatzënisë. Ndaj në këtë drejtim maksimumi i pirjes së kafesë, duhet të jetë deri në 2 filxhanë në ditë.
Në këtë linjë pas pirjes së saj këshillohet që të pihet mjaftueshëm ujë, qumësht apo lëngje frutash, por kurrsesi pije të tjera që kanë në bazë kafeinën. Një studim amerikan, ka arritur në përfundimin se teprimi me sasinë e kafeinës shton rrezikun për abort, por nëse kjo pije konsumohet në mënyrë të moderuar, atëherë nuk ka rrezik. Gjithsesi bilanci bëhet më alarmant, nëse alternohet edhe pirja e duhanit apo alkoolit.
Theksohet gjithashtu se fëmijët e atyre femrave që konsumonin rreth 500 mg kafeinë në ditë, rezultuan me probleme të shumta në zemër dhe frymëmarrje, si dhe vihej re fakti se fëmijët qëndronin më shumë zgjuar dhe dukje qarë në ditët e para të jetës.