Pse meshkujt jetojnë më pak se femrat

Hormonet seksuale, stili i jetës dhe punët më të rënda bëjnë që seksi i fortë të jetë edhe më vulnerabël ndaj sëmundjeve. Sipas një studimi të kryer mbi anëtarët e oborrit perandorak të Chosun, që sundoi Korenë në vitet 1392-1910, ishin hormonet mashkullore ato që shkurtonin jetëgjatësinë. Një analizë e të dhënave të mbledhura tek anëtarët e kësaj perandorie tregonte se eunukët kanë jetuar 14-19 vjet më gjatë se burrat që nuk ishin tredhur, edhe pse kishin bërë të njëjtin stil jete. Në ditët e sotme, origjina e jetëgjatësisë së ndryshme mes meshkujve dhe femrave qëndron në stilin e ndryshëm të jetës mes dy sekseve. Në të vërtetë, meshkujt në përgjithësi pinë më shumë duhan, ushqehen më keq, shkojnë më rrallë te mjeku dhe kryejnë punët më të rrezikshme.